RYAN AT CAMILLE

Buong pasasalamat sa Diyos kayong inaanyayahan nina

na makisalo, makisaya at makabahagi

sa araw ng kanilang pag-iisang dibdib.

Days

Hours

Minutes

Seconds

Countdown finished!

Pakinggan ang aming wedding song

Maligayang Pagdating!

Nasasabik at ikinagagalak ng aming puso ang iyong pagsama at pakikibahagi sa yugtong ito ng aming paglalakbay nang magkasama. Sa piling ng aming mga mahal sa buhay at ang mga taong naging bahagi nito, samahan mo kaming lumikha ng mga alaala na panghabang-buhay.

Ngayon pa lamang, taos puso kaming nagpapasalamat sa iyong pagmamahal, oras at suporta.

Dito, makikita mo ang lahat ng detalye tungkol sa araw ng aming pag-iisang dibdib. Mangyaring galugarin ang site at tumugon sa RSVP.

⁴Love is patient;
love is charitable.
Love is not envious;
it does not have an inflated opinion of itself;
it is not filled with its own importance.⁵Love is never rude;
it does not seek its own advantage.
It is not prone to anger;
neither does it brood over setbacks.⁶Love does not rejoice over wrongdoing
but rejoices in the truth.⁷Love bears all things,
believes all things,
hopes all things,
endures all things.⁸Love never fails.

1 Corinthians 13:4-8 New Catholic Bible

Nais naming ibahagi ang mga salitang ito na gumabay sa amin upang hindi bumitaw sa isa’t-isa at patuloy na harapin ang bawat araw kami man ay magkalayo. Ang paniniwalang darating ang araw na ang milya milyang layo ay magiging bahagi na lamang ng nakaraan.

Ang Aming Storya

Taong 2019 ng unang nasilayan ni Ryan si Camille sa isang pagtitipon sa parke. Mga panahon na sila ay malaya, kuntento sa pag-iisa at nasa yugto ng kanilang mga buhay na hindi naghahanap ng kabiyak. Sinong magaakala na sila ay pagtatagpuin ng tadhana, dalawang indibidwal na walang kamalay-malay ng maari nilang kahinatnan.

Sa tulong ng modernong komunikasyon sila ay nagkapalagayang loob, hanggang sa ang simpleng kamustahan at kwentuhan ay nauwi sa paghatid at sundo araw-araw. Ang mga ordinaryong araw ng pahinga ay naging espesyal na araw ng pagsasama. Tunay nga na may biyaya sa paghihintay. Teka, mukhang tinamaan yata, kaya natapos ang taon na iyon ng hindi malamig ang pasko ng dalawang pusong nahanap kahit hindi nagpapahanap.

Ang sumunod na taon ay ang taon na hindi inaasahan ng lahat, panahon na walang kasiguraduhan ang bukas, mga araw na pinahaba ng paghihintay, mga oras na pinabilis ng pamamaalam. Si Camille ay isang nars at si Ryan ay isang postman, kaya naman ng tumigil at pilit nilalayuan ng buong mundo ang pandemia. Tila, sila naman ay sinasalubong at kinakalaban ito sa bawat araw. Napatunayan na walang sinuman ang kayang mabuhay ng mag-isa at natutunang tanggapin ang kalakasan at kahinaan ng isa’t-isa.

Kahit mahirap, labis ang suporta ni Ryan kay Camille sa pangarap nitong palawakin ang kanyang mundo, sinubukan nilang gumawa ng paraan upang maging magkasama papuntang Estados Unidos ngunit sa huli, ipinaubaya na lamang nila sa tadhana ang kanilang kinabukasan. Sa bawat pamamaalam at pagtalikod ay mga luhang nagbabadya at pusong nangungulila.

Hindi lahat ng magkapiling ay masaya at hindi lahat ng magkalayo ay malungkot. Magkaibang kontinente man ang pagitan ngunit hindi nila naramdaman ang pag-iisa. Sa bawat pagtawid ng pagitan ay tila walang oras na nagdaan. Matapos ang apat na taon ng pagiging magkasintahan tuluyan na nilang sinelyuhan ang kanilang pag-iibigan sa Paris- ang lungsod ng pag-ibig sa ilalim ng La Tour Eiffel- ang kinang nito na sumasalamin sa kinang ng kanilang mga mata, ang liwanag nito na sumasakop sa kanilang mga puso, ang taas nito na parang kanilang mga pangarap na sabay nilang aabutin at ang tibay nito na nawa ay maging kahambing ng buhay na kanilang tatahakin.

Mga Detalye

Gayak

NINONG: Barong Tagalog at Itim na Pantalon

NINANG: Sinauna o Modernong Filipiniana

KAIBIGAN AT PAMILYA

GINOO: Barong o Polo, Slacks

BINIBINI/GINANG: Modernong Filipiniana o Puff Sleeved Dress

Mangyaring iwasan ang itim, puti, madilim, o nakakasilaw na kulay. Hinihiling naming na iwasan ang pagsusuot ng maong o tsinelas upang mapanatili ang magandang ambiance na aming nililikha.

Regalo

Sapat na sa amin na nariyan kayo upang masaksihan and isa sa pinakamahalagang kabanata ng aming buhay.

Gayunpaman, kung nais ninyong magbahagi, mas makakatulong po sa amin ang regalong pinansyal. Maraming Salamat!

Ganap

CEREMONY & RECEPTION

Miara Events Place Tagaytay – Garden and Indoor Reception

VIEW MAP

Mga Madalas Itanong

RSVP

Masaya kaming ipagdiwang ang aming araw ng kasal kasama ka! Upang matiyak ang isang masaya at makahulugang karanasan para sa lahat, may nakalaang upuan para sa bawat panauhin.

Paumanhin, ngunit ang bawat imbitasyon ay para sa ISANG (1) TAO LAMANG.

Mangyaring ipaalam ang iyong pagdalo bago ang Marso 18, 2025.

Hindi na kami makapaghintay na ibahagi ang espesyal na araw na ito kasama ka!
Mayroon bang parking space para sa aking sasakyan?

Oo, may available na parking para sa lahat sa venue. Ngunit pakitandaan na ito ay first come, first served kaya mas mabuting huwag mahuli.
Sinabi kong "HINDI" sa RSVP, ngunit nagbago ang aking plano—makakadalo na ako! Ano ang dapat kong gawin?

• Pakisuri muna sa amin. Paumanhin, ngunit mahigpit ang aming listahan ng mga panauhin.

• Ipaalam sa amin kung lumuwag ang iyong iskedyul upang subukan naming maisama ka.

• Kung may bakanteng upuan, agad ka naming aabisuhan.

• Mangyaring huwag dumalo nang walang abiso, dahil maaaring wala nang bakanteng upuan para sa iyo.
Kailan ang tamang oras para umalis?

Matagal naming pinagplanuhan ang espesyal na araw na ito, at nais naming ipagdiwang ito kasama ang mga mahal namin sa buhay. Nais naming mag-enjoy ka! Samahan mo kami hanggang sa pagtatapos ng programa!
Paano ako makakatulong upang maging masaya ang bagong kasal sa kanilang kasal?

• Ipanalangin ninyo kami para sa magandang panahon at patuloy na pagpapala ng Panginoon habang sinisimulan namin ang bagong kabanata ng aming buhay bilang mag-asawa.

• Mag-RSVP agad kapag malinaw na ang iyong iskedyul.

• Magsuot ng angkop na kasuotan at sundin ang aming wedding motif.

• Dumating sa tamang oras.

• Sundin ang seating arrangement sa reception.

• Manatili hanggang sa pagtatapos ng programa.

• Makilahok sa mga aktibidad at mag-enjoy!

Maaari ba akong magdala ng PLUS ONE sa event?

Gusto sana naming maimbitahan ang lahat ng aming kaibigan at pamilya, ngunit limitado lamang ang bilang ng aming mga panauhin.

Pakisuyo, unawain na ang event na ito ay strictly by invitation only. Pakisuri ang iyong imbitasyon upang malaman ang bilang ng upuang nakalaan para sa iyo. Ang mga hindi kasama sa opisyal na listahan ng panauhin ay hindi papayagang makapasok.
Paano kung nag-RSVP ako ngunit hindi ako makakadalo?

Gusto ka naming makasama sa aming kasal, ngunit nauunawaan namin na may mga sitwasyong hindi maiiwasan. Gayunpaman, mangyaring ipaalam sa amin sa lalong madaling panahon upang maibigay namin ang iyong upuan sa iba.
Maaari ba akong umupo kahit saan sa reception?

Huwag po sana. Maraming oras at pagsisikap ang aming ginugol upang maayos ang seating arrangement para sa kaginhawaan at kagustuhan ng lahat. Huwag mag-alala! Siguradong makakatabi mo ang iyong mga kaibigan o mga taong may parehong interes sa iyo.

Pagkatapos ng rehistro, tutulungan ka ng aming mga coordinator na hanapin ang iyong nakatalagang upuan. Huwag mag-atubiling lumapit sa kanila para sa tulong, at ikalulugod nilang gabayan ka.
Maaari ba akong kumuha ng mga larawan at/o mag-record ng video habang isinasagawa ang seremonya?

Hinihiling namin sa lahat na panatilihing camera-free ang seremonya. Habang ang aming "I Do’s" ay unplugged, ang aming reception ay hindi! Bilang isang magkasintahang mahilig sa litrato, siguradong magkakaroon kayo ng maraming pagkakataon para kumuha ng mga larawan. Buong puso naming inihanda ang espesyal na araw na ito.
Kailangan ba talaga naming mag-RSVP? Sinabi na namin ang "OO" sa magkasintahan.

Oo, pakisuyo. Kailangan namin ng iyong pormal na RSVP upang maisaayos ang detalye ng mga panauhin at ma-finalize ang bilang ng bisita para sa catering at seating arrangement.